مناقشة مهمة عن هل نحن جيل فاشل؟

برأي حبيبتي لأ احنا بلمره مو جيل فاشل,,, القصة وما فيها انو كل جيل له حسناته وله سيئاته بس للاسف كل جيل  
تقل حسناته وتزيد سيئاته هذا بوجهة نظري ,,,,  

لمن الكبار يجلسو يتأففو من ده الجيل فأنا اظن ده نوع من عدم تقبل الجديد والحنين الى الماضي,,,بس عفكره أختي  
أحنا بنعمل زي الكبار احيانا انا مثلا من القائلين أنو أفلام الكرتون زمان احسن بكتير من أفلام كرتون الايام دي ,,,, وانو  
حتى بلمستقبل الجاي أسوأ اكيد في كتير زي ليش يعني مثلا افلام كرتون زمان تعجبنا اكتر لاننا تعودنا عليه ,,,مع انو مثلا لو 
تشوفيها دحين تشوفيه اتضحك وما تتصدق زي عدنان ولينا وقفزات عدنان الخطيره الكل كان معجب بيها ونتابعها عادي ليش طيب  
هلأ لمن نتفرج على وحده من مسلسلات سبيس تون نجلس نقول كيف بيضحكو على اطفالنا وايش الاستهبال ده وما تنصدق وما تتخدل عقل وشي زي كده  
واخواننا اللي يتفرجو عليها يتفرجو وهما مبسوطين واكيد بس يكبرو حيجلسو يعيدو نفس كلامنا للجيل اللي بعدو ونفس الحكايه معنا  
احنا واجدادنا يا رب اكون وضحت وجهة نظري,,,

بس بالمقابل انا اتوقع انو التفكير النظيف جالس دحين بيموت وانو اللي قبلنا كانو احسن منا من ناحية العلم والاختراع والشطاره ,,,
لانو هلا في كتير اشياء بتقتل الابداع وبتقتل القدره على النظر المبتكره للاشياء لانو كل شي متساهل علينا ,,,, لو بدي افتح الباب على ده  
الموضوع ما حخلص,,,

تقبلي تحياتي  
أختك  
شهد

مشكورررة اختي عالتفاعل